Фожеалар содир бўлаётган бир пайтда Худо қаерда? ::
Қўрқув, фожеалар, табиий офатлар ва террористик ҳужумларга қарши тура олиш учун ички кучни қаердан топишимиз мумкин. Худога қайси сохада аниқ ишонишимиз мумкин?
Худо биз билан бирга эканлигига қай даражада ишонишимиз мумкин? У чиндан ҳам тинчлик ва муамоллар пайтида биз Унга ўгирилишимиз мумкин бўлган зотми?
Худо бизни У билан бирга муносабатда бўлишимизга интилувчи, бутун борлиқни яратган зотдир. Шунинг учун бизнинг барчамиз шу ердамиз. У биздан Унинг кучини, севгисини, адолатлилигини, муқаддаслигини ва раҳмдиллигини ҳис этишимизни хоҳлайди. Шунинг учун У барча хоҳловчиларга, «Менинг олдимга келинг», деб айтади.
Бизга ўхшамаган ҳолда, Худо ертага, кейинги ҳафта, кейинги йил, кейинги ўн йил давомида нималар бўлишини билади. У, шундай дейди, «Мен Худоман, ва Менга ўхшайдиган, бошланишнинг охирини эълон қиладиган бошқаси йўқ». Дунёда нималар бўлишини У билади. Бундан ҳам муҳими, У сизнинг ҳаётингизда нималар содир бўлишини ҳам билади ва сизга керак бўлган пайтда сиз билан бирга бўади, албатта агар сиз уни ҳаётингизга киритган бўлсангиз. У бизга, «қийинчилик пайтларида, бизнинг қалъамиз ва кучимиз» бўлишини айтади. Лекин биз чин дилдан Уни қидиришга ҳаракат қилишимиз керак. У шундай деди, «агарда сен бутун юрагинг билан мени қидирсанг, албатта топасан.»
Бу дегани, энди барча Худони таниганларни муаммолар четлаб ўтади дегани эмас. Террористларнинг ҳужумлари азоб ва ўлимни олиб келганида, Худони танийдиганлар ҳам шу азобларда қатнашадилар. Лекин Худонинг ҳузурини бағишлайдиган тинчлик ва куч улар билан бирга бўлади. Исо Масиҳнинг издошларидан бири буни шундай дейди: «биз ҳар томондан сиқувга олинганмиз, лекин эзиб ташланганимиз йўқ.; кўп нарсаларни тушунмаяпмиз, лекин тушкунликда эмасмиз; қувғинлар остидамиз, лекин ташлаб қўйлганимиз йўқ; ерга урилганмиз, лекин мажағланиб ташланганимиз йўқ.». Биз ҳаётда муамоларга дуч келишимиз аниқ. Аммо лекин, биз Худони таниб туриб уларга юпара бўлсак, у ҳолда биз бу муамоларга бошқача кўз билан қараймиз, ва бошқача Худо бизга берадиган куч билан ёндошамиз. Худо учун енгиб бўлмайдиган муаммони ўзи йўқ. Бизни синдириши мумкин бўлган ҳар қандай муаммодан Худо устиндир ва биз ўз ҳолимизга ташлаб қўйлганимиз йўқ.
Худонинг Каломи бизга, «Худо яхшидир, муамолар пайтида кучли қалъадир. Унга ишонганларга У ғамхўрлик қилар», дейди. Ва, «Худо Унга ҳақиқат билан илтижо қилганларнинг ёнидадир. Ундан қўрқадиганларнинг хоҳишларини инобатга олади; уларнинг йиғисини эшитади ва қутқаради.»
Фожеалар, табиий офатлар террористик ҳужумлар: Бизнинг ўз ҳоҳишимиз.
Худо инсонларга танлаш қобилиятини берган. Бу дегани, биз У билан муносабат қуришга мажбур эмасмиз. У бизга Ундан воз кечиб, шайтоннинг ишларига қул урушимизга рухсат беради. У бизларни севишга мажбур қилиши мумкин эди. У бизларни яхши бўлишга мажбур қилиши мумкин эди. Лекин кейин, бу қандай муносабатга айланар эди? Бу муносабат эмас, балки мажбурий, назорат остидаги қулоқ солиш бўлар эди. Бунинг ўрнига У бизга, инсонийлик фазилатлардан бири бўлган, эркин танлаш ҳуқуқини берди.
Одатда, биз ич–ичимиздан йиғлаб... «Лекин қандай қилиб Сен шу ишни содир бўлишига йўл қўйдинг Худо?» деб айтамиз.
Биз Худодан қандай ҳаракат қилишини истаймиз? Одамларнинг ҳаракатларини Унинг назорати остида бўлишини истаймизми? Терористик ҳужумларга келсак, Худо йўл қуйиши мумкин бўлган ўлган сони нечагача бўлиши керак? Агарда Худо фақатгина юз кишининг улишига йўл қўйса, биз ўзимизни яхшироқ ҳис қиламизми? Балки биз Худо фақатгина бир кишининг ўлимига йўл қўйишини истармиз? Бари бир, Худо ҳаттоки бир кишининг ўлимини олдини олса, танлаш эркинлиги йўқолади. Одамлар Худони тан олмасдан, унга бўйсунмасдан, ўзларининг йўларини танлашади ва даҳшатли ишларга қўл уриб, бошқаларга зиён етказишди.
Фожеалар, табиий офатлар террористик ҳужумлар: Бизнинг дунёимиз.
Бу сайёра хавфсиз жой эмас. Кимдир бизни отиб кетиши мумкин. Ёки бўлмасам бизни машина уриб кетиши мумкин. Ёки террорчилар ҳужум қилган бинодан сакрашингизга тўғри келади. Хуллас, мана шу шавқатсиз ер деб аталувчи атроф- муҳитда, яъни Худонинг иродаси ҳар доим ҳам инобатга олинмайдиган жойда, биз шунга ўхшаш кўп ҳодисаларга учрашимиз мумкин.
Лекин шунга қарамасдан Худо бизнинг шавқатимиз остида эмас, балки биз Унинг шавқати атрофидамиз. Худога шукур, биз Унинг шавқати остидамиз. Худодир, борлиқни санаб бўлмайдиган даражада юлдузлар билан тўлдириб ташлаган ва буни осонгина, «Осмон узра ёруғлик бўлсин», деб амалга оширган. Бу Худодир, У «миллатлар устида ҳукумрон бўлади» деган. Унинг кучининг ва донолигининг чеки йуқдир. Бизнинг муамоларимиз қанчалик катта бўлиб кўринмасин, бизда ажоийб Худо бор, қайсики бизга ҳар доим шундай деб эслатади: «Мен бутун борлиқ Худосиман, менинг қўзимдан келмайдиган иш борми?».
Агарда бизнинг ҳаётимиз Унга бўйсундирилган бўлса , биз бундан таскин олишимиз мумкин. «Худованд мағрурларга қарши ва камтарларга иноятлийдир.»
Фожеалар, табиий офатлар терористик ҳужумлар: Худо қаерда?
Барча эмас, лекин бизларнинг кўпчилигимиз, баъзан Худога ва унинг иродасига қаттиқ қаршилик кўрсатамиз. Бошқаларга қараганда, айниқса, террорчилар билан ўзимизни тққкослаштирсак, биз ўзимизни ҳурматга сазовор, бошқаларни севадиган инсон деб ҳисоблашимиз мумкин. Лекин юрагимизга қарасак, Худо билан юзма- юз турсак, биз гуноҳларимизни кўрамиз. Биз иботатларимизда Худога мурожаат қилар эканмиз, хаёлимиздан, Худо ҳаммасини кўриб турибди, У бизнинг барча ҳатти- ҳаракатларимиздан, ўзимизни қанчалик яхши кўришимиздан, ҳаёлларимизда нималар кечаётганидан бохабар эканлигини ўтказмаймизми? Биз ўзимизнинг ҳаётимиз ва ҳаракатларимиз орқали ўзимизни Худодан узоқлаштирдик. Усиз биз ўз ҳаётимизни жуда яхши бошқара оладигандай ҳаёт кечирдик. Муқаддас Калом, «бизнинг барчамиз йўқолган қўзилар, яъни уў йўлида кетганлар кабимиз» дейди.
Оқибатларичи? Бизнинг гуноҳларимиз бизни Худодан ажратди, ва бу нарса нафақат бу дунёдаги ҳаётимизга таъсир қилди. Гуноҳларимиз учун жазо – ўлимдир, ёки бўлмасам абадий Худодан ажралиш. Лекин шунга қарамасдан, Уни билиш ва кечиримига эга бўлиш учун, Худо бизга бошқа йўл тайёрлади.
Худонинг севгиси орқали ички кучга эга бўлиш.
Худо ерга бизни қутқариш учун келди. «Худо оламни шунчалар севдики, Ўзининг ягона Ўғлини юборди, токи Унга ишонган барча ўлмасин, балки абадий ҳаётга эришсин » Худо оламни ҳукм этиш учун эмас, балки У орқали қутқарилиш учун Ўғлини юборди.
Биз бу дунёда бошимиздан кечирадиган азобларни Худо билади. Исо Ўзининг уйдаги хавфсизликни ташлаб, бу хатарга тўла биз яшайдиган дунёга келди. Исо чанқоқни ва очликни ва чанқоқликни ҳис этди, бошқаларнинг туҳматлари билан олишди, ойласи ва дўстлари томонидан остракизмга дуч келди. Лекин бари бир Исо кундалик қийинчиликларидан кўра қийинрок нарсага дуч келди. Исо, тана шаклидаги Худонинг Ўғли, бизнинг барча гуноҳларимизни, биз учун аталган ўлим жазосини ўз бўйнига олиб. «Унинг севгиси шуки, У биз учун Ўзининг ҳаётини қурбон қилди.» У қийинчиликлардан ўтди, секин жон берди, камситилиб, хочда нафаси қисилиб ўлди, барчаси биз кечирилишимиз учун содир бўлди.
Исо бошқаларга бу ишдан олдинроқ, хочда михланишини айтади. Шунингдек, У ўлимидан уч кун ўтгач, яна ҳаётга қайтишини ва шу билан Худо эканлигини исботлашини айтади. У бир кун келиб реинкарнация (бошқа одам танасида ҳаётга қайтиш) бўлиши ҳақида гапирмаган. (Агарда бу иш содир бўлса ҳам ким буни билар эди). У, кўмилганидан уч кун ўтгач, Ўзини Унинг хочга михланишини кўрган инсонларга намоён қилиши айтган. Ўша учинчи куни, Исонинг қабри бўш топилган ва кўплаб одамлар Уни тирик кўрганликлари ҳақида гувоҳлик беришган.
Енди У бизга абадий ҳаётни таклиф қиляпти. Биз буни сотиб ололмаймиз. Бу Худодан совға биз учун ва биз Худони ҳаётимизга таклиф қилганимизда, унга эришамиз. «Худонинг совғаси эса, Исо Масиҳда берилган абадий ҳаётдир.» Агарда биз гуноҳларимизда воз кечиб, Худо томон ўгирилсак, Исо Масиҳ орқали биз абадий ҳаётга эга бўламиз. Бу жуда ҳам осон. «Худо бизга абадий ҳаётни берди ва бу ҳаёт Унинг Уғлидадир. Ким Уғилга эга бўлса, ҳаётга эгадир; Ким Худонинг Уғлига эга бўлмаса ҳаётга эга эмас.» У бизнинг ҳаётимизга киришни истайди.
Худонинг режаси орқали ички кучга эга бўлиш.
Жаннат ҳақидачи? Муқаддас Каломда, Худо «абадиятни инсонларнинг юракларида жойлаштирган» дейди. Балки бу, қанчалик зўр дунё бўлишини билишимиз деганидир. Яқин одамларимизнинг ўлими, бизга бу ҳаёт ва бу дунёда нимадир нотўғри эканлигини билдиради. Юрагларимизнинг тубида, биз биламизки, бошқача, яшаш учун яхшироқ, юракларимизни эзадиган оғриқлардан холис жой борлигини. Аниғи шуки, Худода биз учун яхшироқ жой бор ва У бизга уни таклиф қиляпти. Бу тамомила бошқача тузум бўлади, қаерда Худонинг иродаси ҳар доим амалга ошади. Бу дунёда Худо ҳар бир кишининг кўзидаги ёшини артади. У ерда аза, йиғи-сиғи, ўлим ёки оғриқ бўлмайди. Ва Худо Ўзининг Руҳи ила одамларнинг ичида бўлади ва улар ҳеч қачон гуноҳ қилишмайди.
Террорчилар ҳужумининг натижалари аллақачон дахшатлидир. Исо сизларга таклиф қилаётган Худо билан бирга абадий муносабатдан воз кечиш бундан ҳам дахшатлироқдир. Фақатгина абадий ҳаёт борасида эмас, лекин бу дунёда Худони билишдай таққослаш мумкин бўлган бошқа ҳеч нарса йўқ. У бизнинг ҳаётимиздаги мақсадимиз, қулайлик манбаи, ҳамма нарса чигаллашиб кетган вақтларда бизнинг донолигимиз, бизнинг умидимиз ва кучимиздир. «Худо яхши эканлигини билгин ва кўргин; Ундан паноҳ излайдиганлар қандай бахтлидирлар.»
Кимдир “Худо фақатгина таянч” деб айтган экан. Лекин шуниси аниқ, У суянишимиз мумкин бўлган ягона зот.
Исо, «Тинчликни сизга бераман; Менинг тинчлигимни сизларга бераман. Мен берган тинчлик бу дунёнинг тинчлигига ўхшамайди. Хавотирланманг ва қўрқманг», дейди. Ўз ҳаётлари давомида Исога таянганларга, У, одам ўз ҳаётини тош устига қуради дейди. Бу ҳаётда ҳар қандай муаммолар сизга зарба берса ҳам, У сизни мустаҳкам сақлайди.
Худонинг Ўғли орқали ички кучга эга бўлиш.
Сиз Исони ўз ҳаётингиза ҳозирни ўзида таклиф қилишингиз мумкин. «Барча Уни қабул қилганларга, Унинг номига имон келтирганларга, у Худонинг фарзандлари бўлиш иқтидорини берди.» Фақатгина Исо орқали биз Худонинг олдига қайтишимиз мумкин. Исо шундай деган: «Мен йўл, ҳақиқат ва ҳаётдирман; Менсиз ҳеч ким Отанинг олдига боролмайди. «Мен эшик олдида туриб тақиллатяпман, кимда ким Менинг овозимини эшитиб эшикни очса, Мен унинг ёнига кираман.», дейди Исо.
Ҳозирнинг ўзида, сиз Худодан сизнинг ҳаётингизга киришини сўрашингиз мумкин. Сиз буни ибодат орқали қилишингиз мумкин. Ибодат дегани, Худо билан очиқчасига гаплашиш деганидир. Шу пайтнинг ўзида сиз Худога, қуйидаги сўзларга ўхшаш гапларни чин дилдан айтиб, илтижо қилишингиз мумкин:
«Худовандим, мен юрагимда Сендан юз ўгирдим , лекин мен буни ўзгартиришни истайман. Мен Сени билишни ҳоҳлайман. Мен Исо Масиҳни ва Унинг кечиримига эга бўлишни истайман. Мен бошқа ҳеч қачон Сендан ажралишни истамайман. Шу кундан бошлаб менинг Худовандим бўлгин. Миннатдорман Сендан Худо»
Ҳозир сиз чин қалбингиздан Худони ҳаётингизга таклиф қилдингизми? Агарда шундай бўлса, сизни жуда кўп ажоийб нарсалар кутмоқда. Худо, сизнинг ҳозирги ҳаётингизда қониқишга эга бўлишингизни ваъда қилади. Худо қаерда? У Ўзининг уйини сизда барпо этишга ваъда беради. Ва У сизга абадий ҳаётни тақдим этади.
Атрофингиздаги дунёда нималар содир бўлишидан қатъий назар, Худо ҳар доим сиз билан бирга бўлади. Инсонлар Худонинг йўлидан боришни исташмасада, бари бир У даҳшатли ҳолатларни олдини олиб, ўзининг режасини амалга оширишга қодир. Шубхасиз, Худо дунёда содир этилаётган ҳодисаларни назорат қилиб турибди.